لاہور:
لاہور کے علاقے شفیق آباد میں مبینہ طور پر غلط انجکشن لگنے سے دس ماہ کی بچی عروج جاں بحق ہوگئی۔
بچی کے والد دلشاد کے مطابق وہ اپنی بیٹی کو منشی باغ لدھا کے علاقے میں ڈاکٹر دانش کے پاس لے کر گئے جہاں ڈاکٹر نے انجکشن لگایا۔
والد کے بیان کے مطابق انجکشن لگتے ہی بچی کی حالت بگڑ گئی جس پر فوری طور پر اسے میو اسپتال لے جایا گیا، جہاں وہ دم توڑ گئی۔ واقعے کی اطلاع ملنے پر پولیس نے قانونی کارروائی شروع کر دی ہے۔
