خطے کی خطرناک صورتحال کا تمام تر ذمہ دار بھارت ہے، محسن نقوی

 

وفاقی وزیر داخلہ محسن نقوی کا کہنا ہے کہ خطے کی خطرناک صورتحال کا تمام تر ذمہ دار بھارت ہے، پورا خطہ جنگ کے دہانے پر ہے، ملکی سلامتی پر ہر گز آنچ نہیں آنے دیں گے۔

وفاقی وزیر داخلہ محسن نقوی سے امریکا کی قائم مقام سفیر نیٹلی بیکر کی ملاقات ہوئی، جس میں پاک بھارت کشیدگی اور سرحدوں کی صورتحال پر تبادلہ خیال کیا گیا۔

 وزیر داخلہ نے قائم مقام امریکی سفیر نیٹلی بیکر کو کشیدگی سے پیدا ہونے والی صورتحال سے آگاہ کیا۔

 محسن نقوی نے بھارت کی ڈورن دہشت گردی سے متعلق بھی قائم مقام امریکی سفیر کو بریف کیا۔

 وفاقی وزیر داخلہ کا کہنا تھا کہ بھارت نے عالمی قوانین پامال کر کے شہری آبادیوں کو نشانہ بنانے کی کوشش کی، پاکستان نے مؤثر کارروائی کر کے درجنوں ڈرونز کو مار گرایا۔