یہ واقعہ 4 جون کو بنگلور کے ایم چنا سوامی اسٹیڈیم کے نزدیک اس وقت پیش آیا جب آئی پی ایل کی فاتح ٹیم آر سی بی کی وکٹری پریڈ سے قبل ہزاروں افراد جمع ہو گئے تھے۔ موقع پر اچانک ہونے والی وہاں بھگدڑ کے نتیجے میں 11 افراد ہلاک اور درجنوں زخمی ہو گئے۔
نکھل سوسلے کے ساتھ ساتھ پولیس نے ڈی این اے انٹرٹینمنٹ نیٹ ورکس کے تین ملازمین کرن، سومنتھ اور سنیل میتھیو کو بھی حراست میں لیا ہے۔ یہ کمپنی مذکورہ پریڈ کی ایونٹ مینجمنٹ کا کام دیکھ رہی تھی۔ تینوں سے کببن پارک پولیس تھانے میں تفتیش جاری ہے اور اس کی نگرانی شیشادری پورم کے اسسٹنٹ کمشنر آف پولیس پرکاش کر رہے ہیں۔
